ನಿರೀಕ್ಷೆ

ನೆನ್ನೆಯ ನೆನಪುಗಳಲ್ಲಿಯೇ
ಹೊರಳಾಡುತಿದೆ ಮನಸು
ತನಗೆ ತಾನೇ ಬೇಸರ ಎನಿಸುವಷ್ಟು..
ಕುಗ್ಗಿಯೇ ಹೋಗಿದೆ ಹೃದಯ
ಜಡತ್ವ ತುಂಬಿ
ದೈತ್ಯ ದೇಹಕ್ಕೂ ಮೇಲೆತ್ತಲು ಕಸುವಿಲ್ಲದಷ್ಟು..

ದೈವದ ವಕ್ರದೃಷ್ಟಿ ಇರಬಹುದು
ಅದೇನಾಯಿತೋ ಏನೋ
ಅರಿವಿಗೆ ಮಾತ್ರ ಇಂದಿಗೂ ಬರದು..
ನಂಬಿಕೆಯ ಚೀಲಕೀಗ ತೂತು ಬಿದ್ದಂತಿದೆ
ಸಂಬಂಧಗಳ ಕೊಂಡಿ ಕಳಚಿ
ನೆಲಕುರುಳಿ ಅಸು ನೀಗಿದೆ..

ಮೊಬ್ಬು ಹಿಡಿದಂತಿದೆ ಈ ಬದುಕ ಸಂತೆಗೆ
ದಿಕ್ಕೆಟ್ಟ ಹೃದಯದ ಆರ್ತನಾದವೊಂದು
ಘೂಂಜಿಸುತಿದೆ ಜನನಿಬಿಡದಲಿ..
ಹೃದಯ ರೋದನೆಯ ಕೇಳುವವರು ಯಾರಿಲ್ಲ
ಇಳಿ ಸಂಜೆಯ ಮುನ್ನ ಸಂತೆ ಮುಗಿಸಿ
ಮನೆ ಸೇರುವ ಧಾವಂತದಲಿ..

ತನ್ನ ಮಡಿಲೊಳಗೆ ತಲೆಯಿರಿಸಿ
ಚಪ್ಪರಿಸುತ ನಿದಿರೆಗೆ ಜಾರಿಸಿ
ಸಾಂತ್ವನ ಹೇಳಿದಂತಿದೆ ತಲೆದಿಂಬು..
ಭಾರಹೊತ್ತ ಭಾವನೆಗಳ ಮೂಟೆ ಇಳಿಸಿದ ಹೃದಯಕೀಗ
ನವೋದಯದ
ನವಕಲರವದ ನಿರೀಕ್ಷೆ…

ರುಕ್ಮಿಣಿ ಎನ್.

Advertisements

One thought on “ನಿರೀಕ್ಷೆ

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s